Walikota Sukabumi Nyanangkeun "Gerakan Peningkatan PHBS"

---

Walikota Sukabumi, H. Mohamad Muraz, S.H., M.M., nyanangkeun Gerakan Paningkatan PHBS (Perilaku Hirup Bersih jeung Séhat), ngaliwatan sanitasi total anu ngabogaan basis masarakat, sarta Gerakan Dahar Baso Setandar ASUH (Aman, Séhat, Utuh jeung Halal) Taun 2015, cindekna dina upacara miéling Hardiknas (Hari Pendidikan Nasional) Tingkat Kota Sukabumi Taun 2015, anu lumangsung poé Saptu, 2
Méi 2015, di Lapangan Merdéka Kota Suklabumi, anu ditandaan ku nabeuh goong.

Lian ti éta, Walikota Sukabumi ogé masrahkeun layang pangajén ka para juara Lomba Kompeténsi Siswa Tingkat Jawa Barat Taun 2015, Lomba FLS2N (Féstival jeung Lomba Seni Siswa Nasional) Tingkat Kota Sukabumi Taun 2015, Lomba Pasanggiri Bahasa jeung Sastra Sunda Tingkat Kota Sukabumi Taun 2015, Lomba Aprésiasi PTK (Pendidik jeung Tanaga Pendidikan) PAUDNI (Pendidikan Anak Usia Dini, Non Formal jeung Informal) Tingkat Kota Sukabumi Taun 2015, Sertifikat Halal ti LPPOM MUI (Lembaga Pengkajian Pangan, Obat-Obatan jeung Kosmétika Majelis Ulama Indonesia), sarta Obat Cacing ka siswa SD sa Kota Sukabumi, sacara simbolis diwakilan ku siswa kelas 1 SD Negri Sukasirna Kecamatan Cikole Kota Sukabumi.

Dina biantarana Walikota Sukabumi ngajelaskeun, dicanangkeunana Gerakan Paningkatan PHBS téh, lantaran tingkah laku sabagian warga masarakat, can ngajadikeun kabiasaan hirup bersih jeung séhat. Diantarana masih kénéh miceun cai jeung runtah sambarangan, sarta miceun cai limbah rumah tangga anu henteu diolah heula sacara aman. ?ta kabiasaan téh, bisa nimbulkeun kana luhurna angka panyakit, anu diakibatkeun tina lingkungan anu teu bersih jeung séhat, saperti Diaré, DBD (Demam Berdarah Déngué), Chikungunya jeung sajabana.

Sedengkeun dicanangkeunana Gerakan Dahar Baso mah, lantaran Baso anu dijual-beulikeun di Kota Sukabumi, nya éta asalna tina produk pangan asal héwani anu aman, séhat, utuh jeung halal. Ngan sok sanajan kitu, Walikota Sukabumi cumeluk ka sakumna Padagang Baso di Kota Sukabumi, sangkan salawasna ilubiung sacara aktif, nya éta nyegah jeung ngalaporkeun ka pihak anu wajib atawa ka instansi anu aya kaitanana, saupamana di lapangan aya kajadian pamalsuan Baso, atawa ngagunakeun bahan pangan anu henteu luyu jeung katangtuan ASUH. Salian ti éta, para Padagang Baso di Kota Sukabumi, dina taun 2016 nu bakal datang, di harepkeun ngabogaan Sertifikat Halal ti LPPOM MUI.

---

Sumber: sukabumikota.go.id

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.